Basiani - Imeruli mgzavruli

ბასიანი — ქართული ხალხური სიმღერის ანსამბლი. დაარსდა 2000 წელს საქართველოს საპატრიარქოში, 2013 წელს კი მიენიჭა სახელმწიფო ანსამბლის სტატუსი.[1]

„ბასიანი“ აქტიურადაა დაკავებული ქართული ტრადიციული მრავალხმიანობის პოპულარიზაციით. ანსამბლი ექსპედიციებითა და კონცერტებით სტუმრობს საქართველოს სხვადასხვა კუთხეს, აღადგენს სიმღერა-გალობის მივიწყებულ ნიმუშებს, მონაწილეობს ცნობილ ფესტივალებში, კონცერტებსა და „ვორქშოფებს“ მართავს მსოფლიოს პრესტიჟულ დარბაზებსა და უნივერსიტეტებში, გამოსცემს კომპაქტ-დისკებს.

ანსამბლს ჩაწერილი და გამოცემული აქვს ტრადიციული სიმღერა-გალობის 300-მდე ნიმუში, რომელიც მსოფლიოს მასშტაბით ვრცელდება.